Cwmwl Tystion III / Empathy
Mai 31 @ 7:30 pm - 10:30 pm
Bydd y prosiect cerddorol rhyngwladol o Gymru, Cwmwl Tystion yn ymweld â Tŷ Pawb fel rhan o’i taith o Gymru ar nos Wener 31ain Mai 2024.
Mae’r trwmpedwr Tomos Williams wedi llwyddo, unwaith eto, i ymgynull casgliad rhyfeddol o gerddorion ar gyfer Cwmwl Tystion III / Empathy. O Gymru bydd Mared Williams ac Eadyth Crawford yn canu, ar y gitâr bydd Nguyên Lê o Ffrainc/Vietnam a bydd y cawr Melvin Gibbs, o Efrog Newydd ar y bâs. Bydd Tomos ar y trwmped, a Mark O’Connor ar y dryms ochr yn ochr ag effeithiau gweledol byw gan Simon Proffitt.
Mae tocynnau yn £14 a £11 (consesiynau) ac ar gael trwy Eventbrite.
Mae Melvin Gibbs a Nguyên Lê yn adnabyddus ledled y byd ac mae’n dipyn o gamp iw denu i Gymru – arwydd o safon a gweledigaeth y prosiect, tra bod Mared ac Eadyth yn cael ei adnabod fel dwy o leisiau ifanc, mwya’ cyffrous Cymru.
Bydd y band yn perfformio cerddoriaeth newydd sy’n cynnwys elfennau o jazz, rock, yr avant-garde a cherddoriaeth werin Gymreig. Mae’r enw ‘Cwmwl Tystion‘ yn deillio o gerdd y bardd Waldo Williams a bydd y gerddoriaeth yn ystyried themâu yn deillio o hanes Cymru a’n hunaniaeth.
Noddir y cyfansoddiad ‘Cyfres Cwmwl Tystion’ gan Dŷ Cerdd, a gwnaethpwyd y daith yn bosibl yn sgil cefnogaeth ariannol gan Gyngor Celfyddydau Cymru.
Yn ymchwilio i hanes ac hunaniaeth Cymru, i gyfeiliant celf-weledol fyw, bydd Cwmwl Tystion III / Empathy yn cyflwyno noson arloesol o gerddoriaeth gwreiddiol Gymraeg.
“Mae Cwmwl Tystion yn atgyfnerthu enw Tomos Williams fel un o gerddorion mwya arloesol a thalentog Cymru” – Jon Gower, nation.cymru
“Cyffrous, a chwbl Gymraeg…yn cynrychioli Cymru amlhiliol, amlddiwylliannol ac amlhaenog – yr hen a’r newydd yn dod ynghyd” – Sioned Webb, Barn
Tomos Williams – trwmped / cyfansoddwr
Mared Williams – llais
Eady Crawford – llais, effeithiau electroneg
Nguyên Lê – gitâr trydan
Melvin Gibbs – bâs
Mark O’Connor – drymiau
Simon Proffitt – celfyddyd weledol fyw
Biogs or cerddorion:
Tomos Williams – yn drwmpedwr ac yn gyfansoddwr, cysyniad Tomos yw ‘Cwmwl Tystion’. Prosiect sydd yn ail-edrych ar ddigwyddiadau yn hanes a diwylliant Cymru drwy gyfrwng jazz a nifer o ddylanwadau eraill. Mae Tomos yn arwain y bandiau Burum a Khamira, sydd wedi perfformio yn rhyngwladol a’r band 7Steps sydd yn perfformio cerddoriaeth Miles Davis. Roedd yn aelod o’r band traddodiadol ‘fernhill’ am dros bymtheg mlynedd. Mae hefyd yn adnabyddus fel cyflwynydd rhaglen jazz ar BBC Radio Cymru.
Mared Williams – un o leisiau mwya’ poblogaidd ac adnabyddus Cymru, gwnaeth Mared sereni ym mhrif ran y sioe gerdd newydd Gymraeg Branwen:Dadeni y llynedd. Enillodd Mared Albwm Cymraeg y Flwyddyn 2021 am yr albwm, Y Drefn, ac mae’n aelod o’r grŵp Cymry’r West End.
Eadyth Crawford – Yn gantores, cyfansoddwr a chynhyrchydd gerddoriaeth electronig mae Eadyth yn lais newydd, arloesol yng Nghymru. Mae wedi cyd-weithio gyda nifer o artistiaid Cymraeg, ac roedd yn aelod o bennod diwetha’ y prosiect yma ‘Cwmwl Tystion II / Riot!’- mae’i llais yn elfen greiddiol i’r gwaith a’r albym yna. Mae ei threftadaeth Bajan yn bwysig iddi ac mae’n dweud bod ganddi hunaniaeth Gymraeg a Bajan.
Nguyên Lê – gitarydd Byd-enwog sydd wedi bod ar flaen y gâd yn y byd Jazz Ewropeaidd ers y 1990au. Mae wedi ymchwilio i’w wreiddiau o Fietnam ac wedi cyd-weithio â nifer o fawrion y byd jazz: John McLaughlin, Herbie Hancock, Joe Lovano, John Schofield, Kenny Wheeler, Dave Douglas a nifer mwy o gewri. Mae’n ‘virtuoso’ ac yn cael ei ystyried yn feistr ar y byd ‘fusion’ a defnyddio effeithiau electronig ar y gitar.
Melvin Gibbs – “Baswr gorau’r byd” meddai Time Out New York. Mae’n aelod o’r triawd avant-rock ‘Harriet Tubman” ac mae wedi bod yn perfformio yn Efrog Newydd ac yn ryngwladol ers yr 80au. Wedi perfformio â Vernon Read, Sonny Sharrock, Ronald Shannon Jackson, John Zorn, Bill Frisell ac amryw eraill roedd hefyd yn aelod o fand trwm Henry Rollins, y Rollins Band yn y 90au. Roedd yn gyd-sylfaenydd ar y ‘Black Rock Coalition’, ac yn ddiweddar mae wedi bod yn perfformio gyda Arto Lindsay. Yn gawr ar yr offeryn mae’n adnabyddus am yr effeithiau electronig mae’n defnyddio ar y bâs.
Mark O’Connor – un o ddrymwyr prysura’ a mwya creadigol Cymru mae Mark i’w glywed mewn amryw o fandiau a recordiau mewn pob arddull. Mae’n perfformio yn aml gyda Tomos yn Burum, Khamira a 7Steps, a Mark yw’r unig gerddor sydd wedi bod yn rhan o bob band ‘Cwmwl Tystion’. Mae ganddo ddiddordeb byw yng ngherddoriaeth Brazil ac mae’n weithgar gyda’r band cymunedol Wonderbrass.
Simon Proffitt – mae Simon wedi creu delweddau byw ar gyfer pob pennod o ‘Cwmwl Tystion’. Mae’r elfen weledol yn ategu’r gerddoriaeth ac mae’n adio elfen arall, arloesol i’r profiad byw.
Dolenni at adolygiadau:
Tomos Williams mewn sgwrs gyda All About Jazz amdan y prosiect Cwmwl Tystion:
Adolygiadau o’r Cwmwl Tystion II / Terfysg diweddar! Albwm:
https://www.allaboutjazz.com/cwmwl-tystion-ii-riot-tomos-williams-t-cerdd
https://ukvibe.org/album_reviews/tomos-williams/
https://www.thejazzmann.com/reviews/review/cwmwl-tystion-ii-riot
Clipiau fideo:
https://www.youtube.com/watch?v=b78Ab6rSW3o – Cwmwl Tystion / Witness 2019
https://www.youtube.com/watch?v=nhcGqrtx1bM – Cwmwl Tystion II / Riot! 2021
Manylion
- Dyddiad:
- Mai 31
- Amser:
-
7:30 pm - 10:30 pm
- Categori Digwyddiad :
- Digwyddiadau
Lleoliad
- Tŷ Pawb
-
Market St
Wrexham, Wrexham LL13 8BB + Google Map - Phone
- 01978 292144
- View Lleoliad Website
Related Digwyddiadau
Newyddion diweddar
- Tirluniau syfrdanol Cymru i’w dathlu mewn dwy arddangosfa newydd
- Dydd Miwsig Cymru – Mwynhewch ddathliad AM DDIM o gerddoriaeth Gymraeg yn Nhŷ Pawb
- Tŷ Pawb i fod y lleoliad cyntaf ar gyfer arddangosfa deithiol Gwneuthurwyr Sipsiwn
- Cymuned Portiwgaleg Wrecsam yn tynnu lluniau gogledd Cymru ar gyfer arddangosfa newydd
- Trysorau Wrecsam
Categorïau newyddion
Archifau newyddion
- Mawrth 2024
- Ionawr 2024
- Rhagfyr 2023
- Medi 2023
- Awst 2023
- Gorffenaf 2023
- Mehefin 2023
- Mai 2023
- Ebrill 2023
- Mawrth 2023
- Chwefror 2023
- Ionawr 2023
- Rhagfyr 2022
- Tachwedd 2022
- Medi 2022
- Awst 2022
- Gorffenaf 2022
- Mehefin 2022
- Mai 2022
- Ebrill 2022
- Chwefror 2022
- Ionawr 2022
- Tachwedd 2021
- Hydref 2021
- Medi 2021
- Awst 2021
- Gorffenaf 2021
- Mehefin 2021
- Mai 2021
- Ebrill 2021
- Mawrth 2021
- Chwefror 2021
- Ionawr 2021
- Rhagfyr 2020
- Tachwedd 2020
- Hydref 2020
- Medi 2020
- Awst 2020
- Gorffenaf 2020
- Mehefin 2020