Daliso Chaponda: Feed This Black Man Again

Gŵyl Gomedi Wrecsam

Mawrth 10 Medi, 7:30yh

Tocynnau: William Aston Hall | William Aston Hall (williamastonwrexham.com)

Fe wnaeth Daliso ei sioe gyntaf Feed This Black Man 20 mlynedd yn ôl. Roedd y jôcs yn gyffredin, roedd rap am dlodi yn y canol (oedd mor sarhaus ag y gallech ddychmygu) ac roedd y diweddglo mawr yn cynnwys brechdan ar y llwyfan.

20 mlynedd yn ddiweddarach, mae Daliso wedi cymryd rhan yn y Royal Variety Performance, wedi ysgrifennu a pherfformio pedair cyfres o Citizen of Nowhere ar BBC Radio 4, wedi cyrraedd rownd derfynol Britain’s Got Talent, wedi teithio ledled y wlad a thramor… pob math o bethau na fyddai’r Chaponda 22 oed erioed wedi dychmygu eu bod yn bosibl.

Felly, mae Feed This Black Man Again yn edrych ar ei sioe wreiddiol eto, wrth i’r comedïwr yma sydd bellach yn boblogaidd iawn ailymweld â themâu’r sioe gyntaf hynafol honno gyda’i ddoniau comig llawer gwell sydd wedi’u meithrin yn sgil dau ddegawd o brofiad. Ar hyd y ffordd bydd yn edrych ar y gwahaniaethau enfawr rhwng y ffordd rydych chi’n meddwl fydd eich bywyd chi yn ugain oed, a’r realiti. Dim brechdan ar y diwedd y tro yma mae’n debyg.

Mawrth 10 Medi, 7:30yh

Tocynnau: £16

William Aston Hall | William Aston Hall (williamastonwrexham.com)